Урачыстая цырымонія ўзнагароджання пераможцаў конкурсу на атрыманне Прэміі Урада Рэспублікі Беларусь за дасягненні ў галіне якасці прайшла 7 чэрвеня ў Мінску ў Палацы Рэспублікі. Брэсцкі мясакамбінат пацвердзіў званне лаўрэата па выніках 2022 года. Генеральны дырэктар ААТ «Брэсцкі мясакамбінат» Павел Якаўлевіч Бухавецкі быў узнагароджаны адмысловым нагрудным знакам «Лідар якасці». Дыплом пераможцы конкурсу «Лепшы менеджар па якасці» за 2022 год атрымала Беразюк Святлана Аляксандраўна, начальнік аддзела стандартызацыі і сертыфікацыі ААТ «Брэсцкі мясакамбінат». Ганаровыя ўзнагароды ў намінацыях Прэміі Урада атрымліваюць прадпрыемствы, якія зрабілі свае вытворчасці максімальна эфектыўнымі, а свае прадукты ці паслугі – высакаякаснымі, а таксама ўкаранілі інавацыйныя тэхналогіі, сучасныя метады менеджменту і прасоўвання прадукцыі. Для нашай кампаніі ўзнагарода за якасць — высокая ацэнка працы ўсяго калектыву прадпрыемства і разам з тым вялікая адказнасць: пастаянна падтрымліваць дасягнуты ўзровень вытворчасці прадукцыі найвышэйшай якасці і ўдасканальвацца."